{اولمایم نیلوم}
سنون هجران غموندن دیده گریان اولمایم نیلوم
اسن آشفته زلفون تک پریشان اولمایم نیلوم
داها سندن صورا دنیا گلستان اولسا میلیم یوخ
زلیخاتک اورک قان دیده گریان اولمایم نیلوم
سنون عشقونده رسوا اولمالیدیم اولمو شام لیلا
داها مجنون کیمی چوللرده ویلان اولمایم نیلوم
اگر مین دفعه ده دار اوسته گیتسم سسلرم لیلا
او شهلا گوزلره باخدیقجا قربان اولمایم نیلوم
غمین دریا کیمی سینمده طوفان ایلیور هر دم
سینق کشتی کیمی طوفاندا ویران اولمایم نیلوم
چمن شرمنده دیر عکس رخندن سرو قدوندن
گوله ناز ایلین بو حسنه قربان اولمایم نیلوم
منیم گرداب وحشتده امیدیم تار زلفوندیر
بو گرداب ائچره سنسیز من هراسان اولمایم نیلوم
دئمشدیم بیرده صهبا ائچمرم التوبه التوبه
اوتاندیم گوزلرون گورجک پشیمان اولمایم نیلوم
اگیلمز باشیمی دنیایه،عشقین اگدی خار اولدوم
داها بوندان صورا رسوای دوران اولمایم نیلوم
ضریح عشقه کونلوم باغلانیبدیر کفر زلفونله
مرادین آلماسا{ثالث}مسلمان اولمایم نیلوم
{ثالث}
نظرات شما عزیزان:
باز هم شب و بی حوصلگی/ از عالم و ادم گلگی شد
ای هق هق گریه ها کجائید؟؟/جشن است به میخانه بیاید
دل کرده قیامت شب مارا/ هر پیک کند یاد شما را
ای گریه خوش امدی کنارم / پیک است بزن به عشق یارم
دانم که مرا کرده فراموش / ما مرد وفاییم بزن نوش
به وبلاگ من خوش آمدید. از اینکه از وبلاگ اینجانب بازدید می کنید سپاسگزارم
تبادل لینک هوشمند
برای تبادل لینک ابتدا ما را با عنوان
سپیگان و آدرس sales.LXB.ir تبادل لینک نمایید